الشعار مش علامتك التجارية ولا هو هويتك

الشعار مش علامتك التجارية ولا هو هويتك.
 كل من تصميم الشعار وتصميم الهوية والعلامة التجارية لها أدوار مختلفة ، والتي تشكل معًا صورة موضحة لنشاط تجاري أو منتج

كانت هناك شوية مناقشات على الويب بخصوص الموضوع ده ، ان شعارك مش علامتك التجارية ، بس انا مقريتش عن توضيح للاختلافات بين "العلامة التجارية" و "الهوية" و "الشعار" يلا نوضح الموضوع ببساطه مع بعض

 ما هي العلامة التجارية؟ ...... الصورة العاطفية المتصورة للشركة ككل
 ما هي الهوية؟ .................. الجوانب المرئية التي تشكل جزءًا من العلامة التجارية الشاملة
 ما هو الشعار؟ .................. يحدد الشعار نشاطًا تجاريًا في أبسط أشكاله عن طريق استخدام علامة أو رمز

مش فاهم صح .... طيب تعالي نشوف مع بعض لحد الاخر هنوصل لايه !! 

ما هي العلامة التجارية ؟؟ (Brand)

اكيد العلامة التجارية مش موضوع بسيط ، اتكتب فيها منشورات كاملة وكتير من الكتب اللي تخص الموضوع ده ، يمكنك وصف "العلامة التجارية" على أنها منظمة أو خدمة أو منتج له "شخصية" تتشكل من تصورات الجمهور

مش فاهم صح !! 
طيب باختصار كدا " لو كان الشعار وجهك , اذا علامتك التجارية هي شخصيتك هي اساس كل شيء عنك "

افاجئك مش المصمم اللي بيعمل العلامة التجارية ... لا ده بجد مش كلام العلامة التجاريه دي الجمهور هم اللي بيعملوها. انت بتعمل اساس الموضوع والجمهور هو بقي اللي بيكمل كل حاجه   

مثال صغير علشان تفهمني :

شركه زي مثلا APPLE , اشخاص كتير جداً بتعشق ابل مش علشان منتجانتها جودتها عالية ولا علشان فخامة التصميم في كل المنتجات لا ... شركة APPLE بتعمل حاجه مش كتير من الشركات بتعرف تعملها وهي انها بتعرف تقدم خدمه ما بعد البيع بتحسس الزبون انها ديما جمبك , كانت من اول الشركات اللي نصحت الناس انهم مينزلوش من البيت وقت COVID-19 الله ما يعوده تاني  

طيب هتقولي بس ده اللي مخليها مشهوره هقولك لا طبعا , ابل مؤسسه انسانيه لدرجه كبيره جداً تتميز بالتطوع ودعم الأسباب الجيدة والمشاركة في المجتمع " كن انسان قبل ان تفكر في حصد الاموال " الجمله دي جت ف دماغي دلوقتي وقولت ان ده مكان مناسب جداً ليها 
 

تمام كدا فهمنا سوا ايه هي العلامة التجارية ... تعالي نشوف الهوية بقي :

"لو مفهمتش اللي فات .... متكملش المقالة وتضيع وقت من عمرك شوف حد يقدر يوصلك المعلومه بشكل افضل"

ما هي الهوية ؟؟ (Identity)

يتمثل أحد الأدوار الرئيسية في "العلامة التجارية" في هويتها

في معظم الحالات ، يعتمد تصميم الهوية على الأجهزة المرئية داخل الشركة ، كل ما يتم تجميعه ضمن مجموعة من الأجهزة. العلامات والتخطيطات والقياسات وكدا يعني

طيب تعالي نشوف كدا ايه الحاجات اللي بتتكون منها الهويه

شعار (رمز الهوية والعلامة التجارية بالكامل)
الورقيات (ادوات المكتب + بطاقة عمل + أظرف ، إلخ)
ادوات التسويق (النشرات ، الكتيبات ، الكتب ، المواقع الإلكترونية ، إلخ.)
المنتجات والتغليف (المنتجات المباعة والتغليف الذي تأتي فيه)
تصميم الملابس (الملابس الملموسة التي يرتديها الموظفون)
اللافتات (التصميم الداخلي والخارجي)
الرسائل والإجراءات (الرسائل المنقولة عبر طرق الاتصال غير المباشرة أو المباشرة)

" شوف مثال للهوية " 

أي حاجة مرئية بتمثل العمل، كل الحاجات دي بتشكل الهوية ويجب أن تدعم العلامة التجارية ككل

طيب احفظ دول عندك كدا علشان لما يجي حد يطلب منك لوجو يبقي فاهم بس انك هتعمل لوجو مش هويه كامله عرفه الفرق وقوله عندك كذا وكذا وكذا وده هيكلف كذا وده هيكلف كذا , الاسعار دي هنتكلم عنها في مقالة لوحدها 

ما هو الشعار ؟؟ (Logo)

الشعار أحد أدوات الفخر والإعتزاز لذلك يجب أن يظهر في أفضل حالاته

علشان نفهم ايه هو الشعار ، لازم نفهم الاول هو ايه الغرض منه؟

يحدد الشعار شركة أو منتجًا من خلال استخدام علامة أو علم أو رمز أو توقيع. بيستمد الشعار معناه من جودة الشيء الذي يرمز إليه ، وليس العكس، الشعارات موجودة للهوية وليس للشرح

مش فاهم الكلام ده طيب هبسطهالك ... "فكر في الشعارات زي الناس كدا" 

احنا بنقول محمد ، علي ، زينب ، خديجه لكن مش بنقول الراجل اللي بيلبس قميص ابيض وبيمشي في الشارع وشفيق ياراجل والكلام ده ... وبنفس الطريقة ، مش لازم يصف الشعار حرفياً ما يفعله العمل التجاري ، بل يجب أن يحدد العمل بطريقة يسهل التعرف عليها ولا تُنسى

فلازم تعرف اننا بنعمل الشعار علشان يكون المنتج او العمل التجاري مالوف للجمهور بنفس الطريقة اللي بنتعلم بيها اسماء الناس علشان نتعرف عليهم

الشعار هو علم وتوقيع وهو أيضا رمز النبل
الشعار لايباع فورا وإنما ٌيعرف

الشعار لا يكون وصفاً لعمل إلا في حالات نادرة
الشعار يستمد معناه من جودة الشيء الذي يمثله أو يرمزله وليس العكس
الشعار أقل أهمية من المنتج الذي يرمز له , وهو أكثر أهمية من (كيف يبدو )
موضوع الشعار أمر مهم ، وقد يكون أي شيء تقريباً
القاعدة المبدئية  في الشعارات هي أن يكون (بسيطا) ابتعد عن الشعارات الصعبة أو المعقدة لأن ذلك يعد تدميراً للشعار بشكل ذاتي
وفي النهاية يجب أن نعلم أن الشعار يعبر عن الشركة أو المؤسسة التي يرمز لها ، وليس مالذي تقدمه تلك الجهة هذه هي وظيفته الأساسية

" شوف مثال للشعار " 

الخلاصة

 العلامة التجارية هي شخصيتك وسمعتك وانت ايه عند الناس 

 الهويه هي شكلك ومضمونك وايه اللي شايفينه الناس 

 الشعار ده الرمز التعريفي الخاص بيك 

ممكن تلخص الموضوع من فهمك للكلام وترسلي التلخيص بتاعك علي الايميل او الكومنتات