إدارة معنى العلامة التجارية (Branding )

  إدارة معنى العلامة التجارية (Branding )

بعد ما اتكلمنا عن العلامه التجارية والهويه والشعار ... هنتكلم النهارده عن حاجه مهمه جداً جداً ، اداره العلامة التجارية

لو لسه مشوفتش المقال الخاص بالعلامة التجارية والهوية والشعار ... شوفه من هنا

:فكر في بعض أكبر الأسماء الموجودة في حياتنا كدا زي

" Apple ،  Microsoft ،  Facebook ،  Coca-Cola "

والشعار الخاص بهم بيجي في دماغك علي طول كدا ذكرياتك مع الشركه دي وبسرعه جداً , مش مهم الذكريات دي تكون كويسه ولا مش كويسه , المهم ان ليك بيها استجابة عاطفيه ( مش قصه حب يعني ) 

طيب ده بيحصل ليه انا اتجننت ولا ايه .! , الاجابة ببساطة لا حضرتك زي الفل بس ده دور العلامة التجارية 

لحد هنا احنا كويسين مع بعض وفاهمين بعض ومفيش توهان ! ... حلو جداً شوف بقي 

شعارك ليس علامتك التجارية أو هويتك .... ياعم انت قولت الكلام ده في المقاله اللي فاتت فعلا انا قولته بس ركز معايا مش هتخسر حاجه, في الواقع ، يمثل شعارك أقل من 10٪ من علامتك التجارية وده هتلاحظة جداً لو ركزت في اي شركه من الشركات المشهوره هتعرف ان الشعار ملهوش علاقه بالخدمه المقدمه من الشركه 

"Apple"

 مش محل فواكه والله

طيب خلاص اقتنعت ان الشعار مش علامتك التجارية وانه بيمثل نسبه قليله منها ... حلو , لا مش حلو خالص ليه بس 

طيب شوف المثال ده معايا علشان نقفل الجزء ده خالص 
كان يا مكان يا سعد يا اكرام ما يحلي الكلام الا بذكر النبي عليه الصلاه والسلام , كانت شركة Coca-Cola موجودة منذ أكثر من 130 عامًا ومحبوبة من قبل ملايين الأشخاص في جميع أنحاء العالم. في عام 1985 ، حاولت الشركة تغيير الصيغة إلى حد كبير مما أثار غضب وفزع عملائها المخلصين. لقد تأثر الارتباط العاطفي الذي أقامته الشركة مع عملائها على مدى هذه الفترة الطويلة بشكل سلبي وأجبر الشركة أيضًا على تغيير قراراتها خوفًا من فقدان العملاء, بالظبط زي ما واحد صاحبك يكون اسمه "شرشنوبي" واسمه مش عاجبه وراح السجل غيره وخلاه "أمير" ورجع الشغل بعدها وقالك انه غير اسمه ف اكيد حضرتك هتضايق مش علشان غير اسمه لاسم هو حابه لا علشان انت اتعودت علي اسمه وبقي بينكم ترابطات منها مش هتعرف تقلش علي اسمه تاني مثلا 😂😋

نيجي بقي لادارة معني العلامة التجارية (Branding)

إذا كانت العلامة التجارية هي القطعة العاطفية وهوية العلامة التجارية هي القطعة المادية ، فما هي إدارة معنى العلامة التجارية بالضبط؟

إدارة معنى العلامة التجارية ؛ هي أكتر من مجرد شعار أو موقع ويب , دي عملية كاملة للارتقاء بالشركة وإنشاء اسم كبير وفخم وصوره تتعلق في الاذهان تساعدها على التميز عن منافسيها ، من بين العديد من المزايا الأخرى زي ما هو موضح بالصورة كدا

إدارة معنى العلامة التجارية بتقوم بشكل أساسي من خلال استخدام الحملات الإعلانية المصممة ليكون لها موضوع مميز ، بيتم تحقيق ده برضو من خلال اغتنام كل فرصة علشان تعرف الناس سبب اختيارهم ليك عن باقي المنافسيك، وده بيساعد من خلال الاستخدام الافضل لهوية العلامة التجارية بالإضافة إلى استراتيجية قوية للعلامة التجارية

الخلاصه طيب ايه : الادارة بتكون مادية (هوية العلامة التجارية) وعاطفية (علامة تجارية) وهي مجموع كل السمات التي تقدمها الشركة إلى السوق، يقوم بده من خلال توصيل طابع وقيم العلامة التجارية

أنواعها ايه طيب ؟

:في حين أن العملية هي نفسها في النهاية ، بس ممكن يكون في انواع مختلفه من العلامات التجارية زي مثلا 

سبب العلامة التجارية : تقدر تعمل مواءمة علامتك التجارية مع قضية أو مؤسسة خيرية

العلامة التجارية الرقمية : بتستخدم وسائل التواصل الاجتماعي وتحسين محرك البحث والويب 

العلامة التجارية المشتركة : يمكن القيام بالموضوع ده عن طريق الشراكة مع علامة تجارية تانيه 

العلامة التجارية للبلد : تستخدم لجذب الشركات والسياح إلى بلدك مثلا او اي بلد علي حسب الشغل 

العلامة التجارية الشخصية : هي دي الطريقة التي بيبني بها الفرد سمعته

ما يميز العلامة التجارية هو أنها مش مجرد مقاس واحد بيناسب الجميع. لا المميز انها خطة لتوضيح ما تقدمه الشركة مش بس كدا لا وكمان وصف النتائج المتوقعة ، يمكن تكون كلمة "متوقعة" دي مشكله كبيرة جداً ، خلي بالك ها 

ممكن تكون نيتك تقديم نفسك والعلامة التجارية لشركتك على أنها ودودة وجديرة بالثقة ومتفهمة ، لكن هم هيشوفوك ازاي ممكن تكون مختلف!! (مش انت اللي بتحكم هم الحكام) هتقولي هم مين هقولك الجمهور او كل عين وقعت علي اسم علامتك التجاريه بما فيهم النقاد  ، فانت عاوز تتاكد من أن استراتيجية علامتك التجارية متسقة وبتوجه شركتك إلى ممارسة الأعمال التجارية وبرضو لازم تكون فاهم احتياجات عميلك

بص كدا علي الصوره دي وقولي فهمت ايه في الكومنتات او علي الايميل بتاعي 

في النهاية حابب اقول حاجه بسيطة

بيتم طرح كلمة العلامة التجارية كتير من خلال اساتذة التسويق والأشخاص اللي بيعتقدون أنهم بيعرفوا ايه هو أفضل حاجه ليك ولشغلك. شعارك مش علامتك التجارية أو هويتك. ده في عملية كاملة وراء العلامة التجارية ، وفقط بفهمك للجانب العاطفي والجانب المادي لعملك ، ممكن تبدأ في بناء علامة تجارية تنجح